Situata aktuale politike në Kosovë, në Ballkan e më gjerë kërkon vetëdije të lartë, mobilizim dhe unitet në të gjitha segmentet e institucioneve të Shtetit të Kosovës. Mjerisht, realiteti qëndron shumë larg kësaj ideje. Kjo u pa edhe sot, kur partitë politike opozitare, përkatësisht liderët e tyre, bojkotuan ftesën e Kryeministrit të Qeverisë së Kosovës për konsultime politike partiakë për çështjet aktuale në interes të vendit.
Ftesës për një takim konsultativ iu përgjigj Kryetari i Partisë Demokratike të Kosovës, Memli Krasniqi, por jo edhe ai i Lidhjes Demokratike, Lumir Abdixhiku, dhe Ramush Haradinaj. Këto përçarje politike në momentet më të rëndësishme për vendin janë të pajustifikuara dhe e pasqyrojnë momentin politik të partive opozitare, të cilat për kohë e kërkojnë zgjedhje të jashtëzakonshme.
Ky opstrukcion për të ecuar përpara nuk është i vetmi që ndodhi sot. Për shkak të tepricave dhe tendencave ndërp...
Në fund, shpresojmë se ndoshta do të ngritet vetëdija e qytetarëve dhe njerëzve të arsyeshëm që përmes botës së lirë të popullit, këta deputetë, me emër dhe mbiemër, të cilët e mbajnë pengë Parlamentin e Kosovës duke i bllokuar fondet që Bashkimi Evropian i ka dedikuar për projekte të ndryshme, të mira për qytetarët e Kosovës, patjetër se duhet të denohen me votën e tyre.
