The Washington Post ka transmetuar lajmin e agjencisë ndërkombëtare të lajmeve, Associated Press për shpërthimin e një granate dore në tregun e kafshëve në Prizren që la 10 persona të lënduar.
Një granatë dore shpërtheu në një treg kafshësh në një qytet jugor të Kosovës të mërkurën, duke plagosur 10 persona, thanë autoritetet. Një deklaratë e policisë tha se ata arrestuan një nga tre të dyshuarit ndërsa dy të tjerët mbeten të lirë pas shpërthimit në Prizren, 85 kilometra (52 milje) në jug të kryeqytetit, Prishtinës.
Njëri prej tyre hodhi granatën pas një sherri në treg, shkruan WP.Policia tha se është vënë në ndjekje të dy të tjerëve dhe se hetimet po vazhdojnë.
Të plagosurit janë dërguar në spital, por gjendja e tyre është jashtë rrezikut për jetën. Pesë prej tyre u liruan më vonë të mërkurën.
Prizreni, qyteti i dytë më i madh i Kosovës përgjatë lumit Prizren, është një atraksion turistik për kalanë e tij mesjetare dhe rrugët me kalldrëm.
