Do të hiqet vetëm njëra nga anijet në Vardar, Qyteti i Shkupit do të zbatojë vendimin gjyqësor

Shkupi

Do të hiqet vetëm njëra nga anijet në Vardar, Qyteti i Shkupit do të zbatojë vendimin gjyqësor

Më: 19 dhjetor 2021 Në ora: 10:22
Foto ilustrim

“Kjo është një nga anijet e vendosura në lumin Vardar, demolimi i të cilës filloi vetëm pak muaj më parë, apo pak muaj para zgjedhjeve lokale. Me përfundimin e zgjedhjeve lokale dhe ndërrimin e kryetarit të Qytetit të Shkupit, punëtorët u larguan dhe nuk janë parë më për të vazhduar me demolimin e kësaj anije. Siç mund ta shihni ka mbetur vetëm struktura e kësaj anije, apo le të themi si një anije e braktisur nga ekuipazhi i saj”.

Kjo anije e mbetur në këtë gjendje herë pas herë tërhiqte vëmendjen e kalimtarëve. Disa e vështronin nga larg, e disa të tjerë hynin brenda për të shuar kureshtjen. Edhe pse aty nuk po punonte askush për mënjanimin e pjesës së mbetur të anijes, nga Qyteti i Shkupit thonë se anija në fjalë do të largohet plotësisht. Për dy te tjerat nuk kanë nisur procedurë.

“Largimi i anijes në fjalë do të realizohet plotësisht ashtu si parashikohet në vendimin gjyqësorë të formës së prerë. Për dy anijet tjera nuk është hapur asnjë procedurë”, njoftojnë nga Qyteti i Shkupit.

Kontratat për shfrytëzimin e anijeve që Qyteti i Shkupit ka nënshkruar më kompani të caktuara skadojnë në vitin 2035, në rast të prishjes së njëanshme të këtyre kontratave, Qyteti duhet të paguajë dëmshpërblim prej rreth 6 milion eurosh. Nga Qyteti i Shkupit, kur me të drejtonte Petre Shilegov informuan se largimi i anijes do të ulë rrezikun e daljes së lumit Vardar nga shtrati, duke rikujtuar vitin 2017, kur në qendër të qytetit lumi doli nga shtrati i vogël, pas reshjeve të dendura të shiut. Ndërsa thanë se po përgatitej terreni ligjor që pas largimit të kësaj anije të bëhet edhe largimi i të dytës. Studimet i UNDP-së rreth ndikimit të këtyre anijeve në rrjedhën e lumit, të realizuara së bashku me Qytetin e Shkupit dhe Qendrën për Menaxhim me Kriza tregon se që nga vendosja e anijeve rrjedha e lumit Vardar është zvogëluar për 1/3.

Anijet në Vardar janë pjesë e projektit “Shkupi 2014” të realizuar gjatë qeverisjes në VMRO-DPMNE-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat