Vijojnë në Shkup protestat kundër propozimit francez, bëhet thirrje që nëpër ballkone qytetarët të vendosin flamurin e Maqedonisë

Shkupi

Vijojnë në Shkup protestat kundër propozimit francez, bëhet thirrje që nëpër ballkone qytetarët të vendosin flamurin e Maqedonisë

Më: 12 korrik 2022 Në ora: 19:53
Protesta në Shkup

Me moton “Ultimatum – Jo, Faleminderit!” protestat sonte u rikthyen sipas marshrutës së vjetër në qytetin e Shkupit, nga Qeveria, përmes Ministrisë për Punëve të Jashtme për të përfunduar para ndërtesës së Kuvendit.

Organizatorët, thanë se do të protestojnë para Ministrisë së Jashtme për t`i dhënë mbështetje Kryetarit të Sindikatës Diplomatike, Zoran Dabiq, i cili është pezulluar nga puna.

Ndryshe nga ditët e kaluara siç raporton KlanM, sot vërehet një numër i madh i policëve në rrugët e Qytetit kryesisht para Qeverisë së Maqedonisë, Sheshit SKënderbeu, Ministrisë së Punëve të Jashtme edhe Kuvendit.

“Edhe sot thirrja për protesta është me moton dhe porosinë e ngjajshme: Vazhdojmë më masivisht dhe më në numër kundër bullgarizimit dhe asimilimit të hapur. Të bashkohemi nën gjuhën maqedonase që dimë. I bëjmë thirrje çdo familjeje që të shpalosë flamurin maqedonas në ballkonin apo dritaren e tyre”, thonë organizatorët e “Ulitmatum, Jo faleminderit”.

Përmes propozimit francez synohet tejkalimi i dallimeve që ka Maqedonia e Veriut me Bullgarinë dhe zhbllokimi i fillimit të bisedimeve për anëtarësim në familjen evropiane.

Kujtojmë se sonte është nata e nëntë e protestave të opozitës maqedonase.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat