Nga qershori deri në shtator, turistët spanjollë do të mund të shijojnë një verë idilike mes brigjeve blu dhe Alpeve të mahnitshme shqiptare, shkruan e përditshmja spanjolle “Gaceta del Turismo”.
Zbulimi i zemrës së Shqipërisë është i mundur duke filluar me Tiranën e gjallë, ku udhëtarët do të jenë në gjendje të eksplorojnë Muzeun Kombëtar të Historisë, të admirojnë arkitekturën e epokës komuniste dhe të shijojnë jetën e gjallë të natës në kryeqytet.
Por, përtej kryeqytetit, udhëtarët do të mund të zbulojnë edhe Golemin, një fshat bregdetar në perëndim të vendit.
Gjithashtu, Shqipëria ofron plazhe të qeta me rërë pranë Adriatikut, perfekte për t’u çlodhur në një nga brigjet më të famshme të viteve të fundit, një kartolinë idilike që çdo udhëtarë mund ta përjetojë. Itinerari përfshin edhe Durrësin, një qytet plot histori që mund të zbulohet duke ecur deri në amfiteatrin e tij romak dhe shëtitoren e tij.
Për ta përmbyllur, turi përfshin një udhëtim të fundit nga Radhima në Vlorë.
Plazhet e pastra kristal dhe gjiret e fshehura ofrojnë një mjedis ideal për të shijuar kuzhinën lokale buzë detit, ndërsa zbuloni anën më pak të njohur të Shqipërisë.
Udhëtarëve u ofrohet një mundësi unike për të vizituar një nga xhevahiret e fshehura në Evropë. Turistët spanjollë mund të përjetojnë një verë plot përvoja të reja në destinacionin e ri dhe tërheqës, Shqipërinë.
