Masa drakoniane të sigurisë janë marrë nga policia greke për mbërritjen e kryeministrit shqiptar Edi Rama në kuadër të vizitës së tij sot në Athinë dhe ngjarjes që do të zhvillohet në orën 11 të ditës së sotme në Galatsi.
Siç ka deklaruar qeveria greke, kjo është një “vizitë private” ku Edi Rama do t’u drejtohet bashkatdhetarëve të tij që do të jenë të pranishëm në një fjalim parazgjedhor në funksion të të zgjedhjeve kombëtare të vitit 2025 në vendin fqinj.
Më shumë se 1000 punonjës policie janë në këmbë (MAT, EKAM, OPKE, DIAS, Siguri, Qarkullim), ndërsa itinerari që do të ndjekë, nga aeroporti Eleftherios Venizelos deri në palestrën e mbyllur të Galatsit do të jetë “sterile”. Në të njëjtën kohë janë mobilizuar edhe helikopterët e EL.AS. si dhe dronët, të cilët do të japin një imazh të drejtpërdrejtë në qendrën operative, ndërkohë që është aktivizuar edhe rrjeti i informacionit i Policisë Helene.
Mbi 2000 shqiptarë vijnë në Athinë për fjalimin e tij
Në të njëjtën kohë, videot e transmetuara nga mediat e vendit fqinj tregojnë autobusë me shqiptarë nga fshatrat si Bilishti që kalojnë kufirin e Kristallopigisë për të marrë pjesë në fjalimin e Ramës në Galatsi.
Sipas të njëjtave informacione, bëhet fjalë për shqiptarët që janë… rekrutuar nga Edi Rama për të siguruar mbushjen e Teatrit të Krishtlindjeve, ku do të flasë me bashkatdhetarët e tij, mëngjesin e së dielës. Sipas vlerësimeve të transmetuara nga himara.gr, nga sektori organizativ i partisë, nga Shqipëria pritet të udhëtojnë rreth 2000 persona për fjalimin.
Programi i kryeministrit shqiptar
Sipas raportimeve, Edi Rama do të shoqërohet nga rreth 150 persona. Në këtë shoqërim do të jenë anëtarë të kabinetit të tij, deputetë dhe 50 gazetarë, të cilët do të shkojnë direkt në Teatrin e mbyllur të Krishtlindjeve të Galatsit. Krahas fjalës së planifikuar, kryeministri shqiptar gjatë ditës do të zhvillojë edhe takime me bashkatdhetarë, anëtarë të partisë së tij dhe biznesmenë, ndërsa pritet të shpërndajë broshura për marrëdhëniet dypalëshe.
Pas përfundimit të takimeve, Rama do të pijë kafe me kolegët e tij në Galatsi, ndërsa në orën 6.00-7.00 pasdite do të shkojë në aeroport për t’u larguar nga Athina.
Postimi i Ramës për fjalimin e tij në Athinë
Kryeministri i Shqipërisë ka bërë një postim në llogarinë e tij personale në Facebook duke ftuar shqiptarët që ndodhen në Athinë apo afër Athinës të marrin pjesë në tubimin që do të mbajë në “Galatsi” paraditen e së premtes.
Z. Rama në postimin e tij flet për një “moment të rëndësishëm krenarie për të gjithë shqiptarët në Greqi”. Ftesa shoqërohet me një vizual me Akropolin dhe flamujt e Shqipërisë dhe Greqisë.
