Që nga ora 9 e mëngjesit, shqiptarët kanë nisur të mblidhen në Klisto të Galatsit, ku kryeministri Edi Rama do të takohet me bashkatdhetarët e tij.
Mediat greke raportojnë se qindra forca policie ndodhen jashtë stadiumit, ku do mbahet takimi me Ramën, teksa qytetarët po kalojnë në makinerinë e kontrollit.
Teksa shqiptarët janë duke pritur kryeministrin, një përplasje verbale ka pasur mes një greku dhe shqiptarëve, i cili takimin e Ramës në ditën që është arrestuar Fredi Beleri e quan provokim.
Ai është shprehur se Rama, po provokon kryeministrin grek, Kyroakos Mitsotakis, ndërsa shqiptarët i janë kundërvënë.
“Mos i vini zjarrin dy popujve”, dëgjohet duke thirrur vazhdimisht qytetari grek.
“Prototheme” shkruan se takimi mund të cilësohet si privat, duke qenë se ai nuk do të ketë asnjë kontakt zyrtar, por Rama do të rrethohet nga një eskortë e fortë policie dhe një automjet të blinduar. Të paktën 2000 persona kanë udhëtuar nga Shqipëria drejt Greqisë gjatë ditës së djeshme për të ndjekur fjalimin e kryeministrit shqiptar në Klisto tou Galatsi.
