Duke komentuar takimin e kryeministrit Edi Rama një ditë më parë në Athinë, historiani Marenglen Kasmi i ftuar në “Open” në News 24, tha se fjala e mbajtur nga kreu i qeverisë është fjalimi politik i jetës.
“Ky fjalim që Rama mbajti në Athinë ka qenë fjalimi i tij politik i jetës. Nuk ka asnjë gjë të keqe nëse funksionarë të partisë kanë marrë pjesë. Takimi për shqiptarët është historik.
Në fjalimin e tij, Rama pati një gjuhë korrekte dhe të qëruar sikurse ai e ka kur ai do, duke prekur të gjitha problemet e shqiptarëve me një korrektësi historike dhe interpretuese për t’u pasur zili.
Duke folur drejt, por edhe duke nënkuptuar hera herës për problematikën, duke filluar me ligjin e luftës, çështjen çame. Historia e përbashkët pas ’90-s më shumë është historia e atyre emigrantëve.
Është një takim që ka një kontribut të madh për rizgjimin e ndërgjegjes kombëtare që për mua është përtokë. Jemi të prekur nga largimi masiv. Procesi i largimit është dhe do jetë”, tha ai.
