Pamje e pazakontë në Tetovë, kuajt sot kullosnin në qendër të qytetit

Tetova

Pamje e pazakontë në Tetovë, kuajt sot kullosnin në qendër të qytetit

Më: 13 janar 2022 Në ora: 16:56
Kuajt kullosni në qendër të qytetit

Shumë banorë të Tetovës mëngjesin e sotëm me fotografi në rrjetet sociale, kanë shfaqur pamjen e pazakontë të qendrës së qytetit ku kanë vënë re një tufë kuajsh dhe një tufë qensh endacak. Kuajt kullosnin në barin e rrethrrotullimit më të madh të qytetit përballë sheshit.

Disa veterinerë të cilët iu përgjigjën pyetjeve të AIM, thonë se sipas fotografive bëhet fjalë për kuaj që me siguri mbahen ilegalisht nga njerëzit, pasi nuk kanë mikroçipe të bashkangjitur dhe me gjasë përdoren për bartje të drunjve dhe të ngjashme.

“Në Tetovë ka shumë pak kuaj. Kuajt që janë blerë dhe edukuar ligjërisht kanë mikroçipe dhe janë të regjistruar në Sistemin Informativ Veterinar (SIV). Një pjesë e kuajve pa mikroçipe përdoren për të transportuar dru nga malet”, thanë veterinerët.

Ndryshe, në shtator të vitit 2021, banorët e Tetovës përmes videove kanë qenë dëshmitarë të paraqitjes së një kali që lëvizte i pakontrolluar përgjatë autostradës Tetovë – Shkup. Më pas policia ka gjetur pronarin dhe ka ngritur kallëzim ndaj tij për veprën penale “shkaktimit të rrezikut të përgjithshëm” të dënueshme nga neni 288 i Kodit Penal.

Image
Kuajt sot kullosnin në qendër të qytetit

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat