SPB Tetovë: Zbardhen tetë vjedhje, janë arrestuar dy persona

Tetova

SPB Tetovë: Zbardhen tetë vjedhje, janë arrestuar dy persona

Më: 31 mars 2022 Në ora: 12:38
Foto ilustrim

Sektori për Punë të Brendshme Tetovë informon se Zyra e Jashtme për Punë Kriminale – Gostivar ka zbardhur plotësisht 8 vjedhje të rënda që dyshohet se janë kryer nga personi L.S. (39) nga Çegrani i Gostivarit dhe I.S. (35) nga Forina e Gostivarit.

“Dy personat, të cilët dje (30-mars) në orën 03:45 dhe në orën 12:50 janë privuar nga liria në Gostivar dhe Forinë, gjatë vitit të kaluar dhe këtë vit me përdorimin e forcës dhe mjeteve të ndryshme kanë hyrë në bastore sportive, markete dhe dyqane për pajisje celulare në Gostivar, nga të cilat kanë marrë para, pajisje teknike dhe sende të tjera dhe në mënyrë të kundërligjshme kanë fituar një përfitim të përgjithshëm duke u pasuruar me vlerë prej rreth 2 milionë denarë”.

“Për të dy personat e lartëpërmendur do të përgatitet një parashtresë përkatëse sipas nenit 236 të Kodit Penal”, thonë nga SPB Tetovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat