Gjykata e Tiranës pranon ankimin e Enkelejd Alibeajt, çështjen e PD-së rikthehet për rigjykim

Tirana

Gjykata e Tiranës pranon ankimin e Enkelejd Alibeajt, çështjen e PD-së rikthehet për rigjykim

Më: 22 prill 2022 Në ora: 14:22
Foto ilustrim

Gjykata e Apelit në Tiranë ka pranuar sot ankimin e bërë nga kreu i Grupit Parlamentar të Partisë Demokratike, Enkelejd Alibeaj për vendimin e gjykatës që njohu kuvendin e 11 dhjetorit të mbledhur nga Komisioni i Rithemelimit të PD-së dhe ish-kryeministri, Sali Berisha.

Gjyqtarja Blerina Muça e ka rikthyer çështjen për rigjykim në shkallën e parë me një tjetër trupë gjykuese.

Më 25 mars, gjyqtari Agron Zhukri njohu statutin e PD të miratuar në Kuvendin e thirrur nga Berisha më 11 dhjetor 2021.

Ish-kryeministri gjatë ditës së premte ka akuzuar ambasadoren e SHBA, Yuri Kim për ndërhyrje në këtë çështje.

Njoftimi i plotë i Gjykatës së Apelit:

Ju informoj se sot më datë 22.04.2022, gjyqtare znj. Blerina Muça, në lidhje me kërkesën e paraqitur nga Partia Demokratike e Shqipërisë përfaqësuar nga z. Enkelejd Alibeaj, me objekt: Prishjen e Vendimit Nr. 1346/222 Akti, Nr. 3 Vendimi, datës 25.03.2022 të Gjykatës së Rrethit Gjyqësor Tiranë me gjyqtar Agron Zhukri duke vendosur pushimin e gjykimit ose kthimin e saj për shqyrtim në të njëjtën gjykatë, por me tjetër trup gjykues, vendosi ne dhome keshillimi:

– Pranimin e ankimit të palës ankuese, Partia Demokratike e Shqipërisë, përfaqësuar nga Nënkryetari i saj z. Enkelejd Alibeaj, ndaj Vendimit Nr. 3, date 25.03.2022 të Gjykatës së Rrethit Gjyqësor Tiranë.

– Kundër vendimit nuk lejohet ankim./

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat