Aksidentoi çiftin dhe foshnjën 3-muajshe, shoferi i “G Class” ishte arrestuar dhe gjobitur disa herë

Tirana

Aksidentoi çiftin dhe foshnjën 3-muajshe, shoferi i “G Class” ishte arrestuar dhe gjobitur disa herë

Më: 8 maj 2022 Në ora: 15:28
Foto nga vendi i ngjarjes

39-vjeçari Ajas Sulejmeni që aksidentoi këtë të diel një çift me foshnjën e tyre në Rrugën e Kavajës në Tiranë, rezulton problematik për policinë.

Gazetarja Dorjana Bezat mëson se 39-vjeçari ishte arrestuar disa herë, madje ishte gjobitur nga policia rrugore.

Pakujdesia mesditën e sotme dhe mos respektimi i semaforit, shkaktoi përplasjen e çiftit dhe të foshnjes, të cilët po kalonin rrugën, në vijat e bardha.

Sulejmeni ishte me shpejtësi tej normave kur aksidentoi çiftin dhe foshnjën që ndodhej në karrocë, e si pasojë këta të fundit ndodhen në spitalin e Traumës, ku po marrin mjekimin, ndërsa ende nuk dihet gjendja e tyre.

Pas aksidentit të rëndë, 39-vjeçari është larguar nga vendi i ngjarjes, duke braktisur në rrugë edhe mjetin e tij  luksoz tip “‘Mercedes-Benz G-Class’ me targa gjermane ‘RPII63’.

Autori arriti të arratisej nga vendi i ngjarjes, ndërsa policia ka mundur të shoqërojë në komisariat të afërmin e tij, që ndodhej me të në mjet gjatë momentit të aksidentit.

Grupi hetimor po punon për kapjen e autorit dhe sqarimin e rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat