Për këtë arsye, data 25 maj do të jetë ditë pushimi për qarkun e Tiranës

Tirana

Për këtë arsye, data 25 maj do të jetë ditë pushimi për qarkun e Tiranës

Më: 19 maj 2022 Në ora: 16:21
Tirana

Data 25 maj do të jetë ditë pushimi për të gjithë administratën publike për qarkun e Tiranës. Ky vendim është marrë pasi të mërkurën e ardhshme do të luhet finalja e Europe Conference Ligue dhe pritet një fluks njerëzish në kryeqytet.

Lajmin e ka njoftuar Ministri i Brendshëm Bledi Çuçi pas mbledhjes së qeverisë.

“Data 25 të shpallet ditë pushimi për të gjitha institucionet publike që janë pjesë e qarkut të Tiranës, do të jetë pushim për këtë qark. Kjo merret si masë për një ngjarje siç është finalja e konferencës së Ligës, ku presim një fluks të njerëzve që vijnë”, tha Çuçi.

Më 25 maj do të zhvillohet ndeshja Roma-Feyenoord, në stadiumin “Air Albania”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat