Tirana është shpallur Kryeqyteti Mesdhetar i Kulturës dhe Dialogut 2025.
Kreu i Bashkisë Tiranë Erion Veliaj e konsideron një mundësi të mirë për promovimin e kulturës së Tiranës dhe gjithë Shqipërisë.
“Nuk e fsheh dot kënaqësinë për këtë super lajm për qytetin tonë – Një mundësi e shkëlqyer për t’i rrëfyer së bashku Evropës kulturën tiranase dhe atë shqiptare, me kërshërinë e një qyteti në transformim dhe njerëzve të dashuruar pas artit dhe kulturës”, shkruan Veliaj në rrjetet sociale.
Vitin e kaluar, Tirana mbajti titullin si Kryeqyteti Evropian i Sportit, ndërsa në 2022 ishte Kryeqyteti Evropian i Rinisë.
