Kapitenia e Kombëtares sonë të volejbollit Erblira Bici ka njoftuar largimin nga skuadra e Romës.
Lajmin e ka bërë të ditur përmes një postimi në Instagram. Ajo falenderon të gjithë mbështetësit, stafin teknik, tifozët, shoqet e skuadrës etj.
"Për mua, që kam një natyrë të ndjeshme, është gjithmonë e vështirë të them lamtumirë (edhe nëse, nuk e dini kurrë, ndoshta do të jetë vetëm lamtumirë).
Këtë herë është edhe më shumë.
Kam ardhur në Romë dy vite më parë e tërhequr nga një projekt ambicioz, e kërkuar nga një kompani që nuk i fshehu ambiciet e saj për të qenë protagoniste.
Të gjithë së bashku, klubi, teknikët dhe ne sportistët, arritëm rezultate që shkuan përtej pritshmërive më optimiste. Një ngjitje triumfuese në A2 dhe pushtimi i Kupës së Italisë vitin e kaluar, arritja në play-off këtë vit janë rezultate që më mbushin me krenari.
Por ajo që më bën edhe më të lumtur është që e ktheva qytetin e Romës aty ku e meriton, pra mes të mëdhenjve të volejbollit.
Duke parë Pala Tiziano të mbushur plot dhe duke na duartrokitur jo vetëm kur fituam, por edhe kur u mundëm, ishte një shenjë e qartë se sa shumë tifozët tanë e kuptonin angazhimin tonë të vazhdueshëm për të nderuar fanellën dhe qytetin.
Në planin personal kam marrë njohje të rëndësishme, por asgjë nuk do të ishte e mundur pa ndihmën e shoqeve të mia me të cilët ndava këtë rrugëtim dyvjeçar. Prandaj i falënderoj nga zemra dhe i përqafoj një nga një, lidhja e krijuar mes nesh do të jetë e përjetshme.
Falenderoj të gjithë stafin teknik, të cilit i bashkoj edhe stafin mjekësor dhe fizioterapist, i cili na lejoi të marrim këto rezultate dhe dua të falënderoj në mënyrë të veçantë Beppe-n, i cili u tregua një teknik dhe një njeri i veçantë.
Falenderoj të gjithë anëtarët e Kompanisë: Pietro, Roberto, Barbara, Andrea që më deshën në Romë dhe të gjithë bashkëpunëtorët e tyre që punuan në prapaskenë duke dhënë kontributin e tyre të rëndësishëm.
Falenderoj të gjithë tifozët, në radhë të parë “Il Branco”, që na kanë ndjekur gjithmonë në shtëpi dhe jashtë dhe që shpesh na kanë shtyrë drejt fitores, ndjenja e ngrohtësisë dhe pasioni i tyre na ka bërë edhe më të përgjegjshëm dhe të motivuar.
Së fundi, falënderoj qytetin e Romës që më magjepsi. Në Romë mund të marrësh frymë dhe histori, të ndahesh prej saj nuk është e lehtë.
Profesionalisht, bëj një zgjedhje ndryshe pikërisht sepse këto dy vite kanë qenë perfekte dhe kështu dua t’i kujtoj, si emocionet që ndjeva që do të më mbeten përgjithmonë", njofton Bici.
