Skënderbeu dhe Tirana janë dy skuadrat finaliste të play off-it në volejboll për femra. Korçaret dhe bardheblutë fituan 2-0 me ndeshje sfidat gjysmëfinale, respektivisht ndaj Vllaznisë dhe Partizanit, duke sfiduar njëra-tjetrën në finalen e titullit.
Në Shkodër, ekipi i Skënderbeut fitoi 3-1 (17-25, 25-19, 25-10, 25-21) me përmbysje ndaj Vllaznisë. Vendaset fituan setin e parë, por nuk arritën të ruajnë këtë ritëm deri në fund. Skënderbeu merr shpejt frenat e lojës në dorë, duke treguar superioritet në fushë dhe siguron finalet.
Në Farkë, në gjysmëfinalen tjetër, skuadra e Tiranës fitoi 3-1 ndaj Partizanit në derbin kryeqytetas, duke përsëritur rezultatin e sfidës së parë (25-22, 21-25, 25-20, 25-20). Humbja shkurorëzon Partizanin kampion, ndërkohë që Tiranan rikthehet në finalet play off pas një viti.
Gjysmëfinale-Femra
Nd.1, Skënderbeu – Vllaznia, 3-0
Nd.1, Partizani – Tirana, 1-3
Nd.2, Vllaznia – Skënderbeu, 1-3
Nd.2, Tirana – Partizani, 3-1
