Gjyqtari i volejbollit të Kosovës, Burim Zymeri, e ka fituar thirrjen e gjyqtarit ndërkombëtar, në kursin për gjyqtar ndërkombëtar të mbajtur në Sofje të Bullgarisë.
“Zymeri ishte në mesin e 23 kandidatëve që hynë në rrethin e ngushtë të vlerësimit dhe e ka kaluar me sukses këtë test, duke e fituar thirrjen e gjyqtarit ndërkombëtar.
Pas Istref Elezajt, tashmë volejbolli ynë e ka edhe gjyqtarin e dytë ndërkombëtar, duke bërë një tjetër hap drejt rritjes së standardit të volejbollit në vendin tonë.
Federata e Volejbollit e Kosovës (FVK) e përgëzon gjyqtarin Burim Zymeri, duke u siguruar që ky numër i kuadrove tona në arenën ndërkombëtare, do té shtohet nga viti në vit”, njofton FVK.
