Kurti e Murati fajësojnë Haradinajn për humbjen e 21 milionë eurove me “Contour Global”

Qeveria e Kosovës ka marrë vendim që të shpallë datën 11 korrik, Ditë Përkujtimi për gjenocidin në Srebrenicë. Ekzekutivi që mbajti një minutë heshtje në nderim të viktimave nga ky gjenocid mori një sërë vendimesh në mbledhjen e së mërkurës. Qeveria emëroi një pjesë të bordit të ndërmarrjes “Trepça”, ndërkaq mori vendim për fillimin e procedurave të tenderimit për ndërtimin e kapaciteteve të reja gjeneruese nga era dhe për dhënien e mbështetjes për kapacitete deri në 150 megavat. Krahas kësaj, ekzekutivi ndau mbi 21 milionë euro dëmshpërblim kompanisë amerikane “Contour Global”, pas humbjes në Gjykatën e Arbitrazhit Ndërkombëtar për mosrespektim të kontratës.

Kryeministri Albin Kurti, tha se shpallja e datës 11 korrik, si ditë përkujtimi për gjenocidin në Srebrenicë është një veprim fisnik dhe i duhur që mos të harrohet e përsëritet asnjëherë gjenocidi as në Bosnjë dhe Hercegovinë, as në Kosovë, e askund tjetër në rajonin tonë dhe në botë.

Kurti: Ky është një veprim i fisnik dhe i duhur që mos të harrohet asnjëherë gjenocidi në Sebrenicë

“Këtë vit, shënojmë 25-vjetorin e çlirimit të Kosovës, kujtojmë masakrat e kryera në vendin tonë nga Serbia, por edhe përkujtojmë të gjitha viktimat e luftërave të viteve të 90-ta në Ballkan. Përkujtojmë me dhembje 8372 burrat e djemtë e Srebrenicës, të vrarë dhe të zhdukur nga Serbia, në masakrën më të madhe të ndodhur në Evropë pas Luftës së Dytë Botërore. Fundjavën që lamë pas pjesëtarë të Forcave të Armatosura të Serbisë, kadetë e veteranë të Akademisë Ushtarake në Beograd, parakaluan në një paradë në Prijedor, pa leje e pa pëlqim të shtetit të Bosnjës dhe Hercegovinës, vetëm katër ditë para shënimit të përvjetorit të masakrës së Srebrenicës. Ndërkaq ne sot po i bashkohemi memorializimit të 11 korrikut si ditë e përkujtimit të gjenocidit në Srebrenicë, bazuar edhe në rezolutën që kemi miratuar në Kuvendin e Kosovës, që dënon gjenocidin në Srebrenicë, në rezolutën përkatëse të Parlamentit Evropian, e në vijim të rezolutës që u votua në Asamblenë e Përgjithshme të Kombeve të Bashkuara më 23 maj sivjet. Ky është veprim fisnik e i duhur, në emër të Kosovës, të universales sonë njerëzore, e të dëshirës sonë për drejtësi dhe paqe. Që të mos harrohet e të mos përsëritet më gjenocidi, as në Bosnjë dhe Hercegovinë, as në Kosovë, e askund tjetër në rajonin tonë dhe në botë”, tha Kurti.

Para kabinetit qeveritar, Kurti u mburr edhe për punën e ekzekutivit në gjashtëmujorin e parë të vitit 2024. Duke folur për rendimentin e grurit gjatë këtij viti, ai tha se pritjet janë që prodhimi i grurit të shtohet për 150 mijë ton. Kjo sipas tij do të plotësojë kërkesën e brendshme për konsum, pa pasur nevojë për import.

Kurti: Këtë vit do të plotësojmë kërkesën e brendshme për grurë

“Kjo është mbledhja e parë e gjashtëmujorit të dytë të vitit. Po punojmë përditë siç e jetoni dhe përjetoni ju ditën tuaj në fushëveprimtarinë tuaj anë e mbanë Kosovës. Vetëm në gjysmën e parë të kësaj dite, me ministrin e Shëndetësisë, Arben Vitia përuruam rinovimet 1.2 milionëshe në Klinikën e Urologjisë e cila ka qenë një prej klinikave me gjendjen më të keqe e në të cilën nuk ishte investuar që nga shpallja e pavarësisë në vitin 2008. Pastaj, me ministrin e Bujqësisë, Faton Peci ishim në Malishevë për korrje-shirje te bujku Osman Kryeziu, i cili djerrinën me 260 metra kub gurë e ka kthyer në 8 hektarë arë me grurë. Rendimenti këtë vit po duket të jetë i lartë. Pritjet tona janë që prodhimi i grurit të shtohet edhe për 140 mijë deri në 150 mijë tonë grurë, që do të thotë se do të mund të plotësojmë kërkesën e brendshme për konsum, pa pasur nevojë të importojmë apo të varemi nga importi”, tha Kurti.

Ministrja e Ekonomisë, Artane Rizvanolli tha se ndërtimi i kapaciteteve të reja gjeneruese nga era do të shton kapacitete energjetike deri në 150 megavat.

Sipas saj ky projekt do t’i përmbahet të gjitha standardeve ndërkombëtare.

Rizvanolli: Ky projekt për ndërtimin e kapaciteteve të erës do t’i përmbahet standardeve ndërkombëtare

“Ky projekt për ndërtimin e kapaciteteve të erës do t’i përmbahet standardeve ndërkombëtare mjedisore dhe sociale. Në këtë mënyrë parashikohet që projekti të projektohet, ndërtohet dhe mirëmbahen në përputhje me legjislacionin në fuqi për çështjet mjedisore dhe sociale dhe në bazë të praktikave ndërkombëtare”, tha ajo.

Krahas këtyre, qeveria miratoi edhe rregulloren e re për procedurat e përzgjedhjes së drejtorëve, zëvendësdrejtorëve, mësimdhënësve, sekretarëve në institucionet edukativo-arsimore në tërë territorin e Kosovës.

Ministrja e Arsimit, Arbërie Nagavci, tha se kjo rregullore do të krijojë një sistem efikas për rekrutimin e këtyre pozitave.

Nagavci: Rregullorja synon të krijojë një sistem të mirëfilltë edhe efikas për rekrutimin e të gjitha pozitave

“Rregullorja synon të krijojë një sistem të mirëfilltë edhe efikas për rekrutimin e të gjitha pozitave në institucionet e edukative-arsimore në përputhje me standardet evropiane dhe ndërkombëtare. Po ashtu synon të përmirësojë sistemin aktual të rekrutimit, duke iu përgjigjur më mirë kërkesave të shkollave”, shtoi Nagavci.

Në mbledhjen e sotme ekzekutivi miratoi vendimin edhe për emërimin e një pjese të Bordit Mbikëqyrës të Ndërmarrjes Publike Qendrore “Trepça”. Kryesues u emërua Mentor Berisha dhe katër anëtarë, Merita Gashi, Sadie Gashi, Alban Krasniqi dhe Fadil Bejta, teksa u premtua se së shpejti do të hapet konkursi për katër anëtarët e tjerë të këtij bordi.

Sipas shefit të Qeverisë, do ta qartësojnë çështjen e përfaqësimit të punëtorëve në bord në përputhje me ligjin. Ndërkohë, do të hapet konkursi për anëtarët tjerë, ku inkurajojë aplikimin sidomos të pakicave.

Gjithashtu, qeveria i dha dritën e gjelbër vendimin për shpronësime që preken nga realizimi te Kompleksi Memorial në Reçak si dhe për zgjerimin e rrugës nacionale Kijevë-Zahaq.

Ndërkaq, emëruan Rrustem Thaçin, kryetar të komisionit për kompensimin e viktimave të krimit.

Qeveria e Kosovës ka marrë vendim që t'i paguaj mbi 21 milionë euro dëmshpërblim kompanisë amerikane “Contour Global”, pas humbjes në Gjykatën Arbitrazhit Ndërkombëtar vitin e kaluar.

Kryeministri Albin Kurti tha se kjo kontratë nuk do të duhej të nënshkruhej fare në vitin 2017, pasi pasojat kanë qenë të parapara qysh atëherë. Me gjithë pasojat, sipas tij, është shumë më mirë që ky projekt nuk është realizuar.

Kurti: Me gjithë pasojat, është shumë më mirë që ky projekt nuk është realizuar

“Sot po ndajmë mjetet për Arbitrazhin që kompania “Contour Global” ka fituar ndaj Kosovës. Sic kemi thënë vite më parë ashtu edhe rezultoi. Ky projekt as nuk ka qenë i ideuar të realizohet e as nuk ka qenë në përmbajtje e i dobishëm për vendin tonë. Për fat të keq ndërprerja e qeverisjes sonë në pranverën e vitit 2020 dhe ardhja e një qeverie antikushtetuese ka zbrastësi për të trajtuar këtë çështje dhe për t’u siguruar që Kosova mos të kishte pasoja të tilla. Kështu siç kanë shkuar ngjarjet krijohet bindja se asnjë herë ky projekt plan ta gjejë financimin e duhur, por është mjaftuar me idenë e një Arbitrazhi të mundshëm që t’ia merr paratë Kosovës. Me gjithë pasojat, është shumë më mirë që i njëjti nuk është realizuar, sepse një mbrapshti e tillë nuk ka vazhduar, por ka përfunduar”, theksoi Kurti.

Ndërsa, ministri i Financave, Punës dhe Transfereve, Hekuran Murati ka thënë se marrëveshja mes Kosovës dhe “Contour Global” ishte nënshkruar në dhjetor të vitit 2017 nga ish-Qeveria Haradinaj, pavarësisht paralajmërimeve se një marrëveshje e tillë nuk do duhej të arrihej.

Murati: Kontrata ishte nënshkruar nga ish-kryeministri Haradinaj

“Një marrëveshje e cila ishte nënshkruar në dhjetor të vitit 2017 përmbante vetë nënshkrimin e kryeministrit Ramush Haradinaj. Qeveria Haradinaj kishte nënshkruar këtë marrëveshje përkundër të gjitha paralajmërimeve nga opozita, nga shoqëria civile dhe nga ekspertët e fushës që një kontratë e tillë nuk duhej të nënshkruhej”, theksoi ai.

Ndërsa, kryeministri Albin Kurti ka shtuar se “Ajo që kemi fituar në arbitrazh është pothuajse shtatëfishi i kësaj që duhet të paguhet.

Kurti: Ajo çfarë kemi fituar është shtatëfishti i kësaj shume

“Gjatë këtyre viteve të qeverisjes sonë, Avokatura jonë ka qenë shumë e suksesshme. Ajo çfarë kemi fituar është shtatëfishi i kësaj shume që duhet të paguhet për shkak të humbjes në tribunal nga një kontratë kapitullues të një qeveria të më hershme me “Contour Global””, theksoi Kurti.

Kjo kompani amerikane e kishte çuar në arbitrazh Kosovën gjatë vitit 2020-s lidhur me projektin e Termocentralin “Kosova e Re”. 

Qeveria e Kosovës ka votuar pro shpronësimit të pronave që duhen për projektin për Kompleksin Memorial “Masakra e Reçakut”.

Të gjithë pjesëtarët e kabinetit të ekzekutivit votuan pro kësaj pike të rendit të ditës, e cila u prezantua nga Ministri i Infrastrukturës, Mjedisit dhe Planifikimit Hapësinor.

“Shqyrtimi i Propozim-vendimit Preliminar për shpronësimin për interes publik të pronave të paluajtshme të cilat preken nga realizimi i Projektit: Konsrevimit, Restaurimi dhe Ndërtimi i Kompleksit Memorial “Masakra e Reçakut”, ishte pika e prezantuar nga Aliu. 

Qeveria e Kosovës i ka miratuar emrat e anëtarëve të Bordin Mbikëqyrës të Ndërmarrjes Publike Qendrore “Trepça” Sh. A.

Kryeministri Albin Kurti i prezantoi pesë emrat të bordit, dhe tha se duhen edhe nëntë emra të tjerë dhe se do të hapin edhe një konkurs të ri.

“Për pozitat e tjera inkurajoj të aplikojnë pjesëtarët e pakicave, pasi edhe në konkursin e kaluar nuk pati aplikime të tilla”, ka thënë Kurti.

Pesë anëtarë në fjalë janë  Mentor Berisha kryesues, Fadil Bejta anëtar, Merita Gashi anëtare, Sadije Gashi anëtare dhe Alban Krasniqi anëtar. 

Kryeministri Albin Kurti, në nisje në mbledhjes së sotme të Qeverisë, zgjodhi t’iu flasë qytetarëve se si po punojnë “përditë” sikur ata në fushëveprimtaritë e tyre.

Kurti iu tregoi qytetarëve se çfarë “vetëm në gjysmën e parë të kësaj dite”.

“Mbledhja e parë e gjashtëmujorit të dytë të vitit. Po punojmë përditë, siç e jetoni dhe përjetoni ju ditën tuaj në fushveprimtarinë tuaj anë e mbanë Kosovës. Vetëm në gjysmën e parë të kësaj dite, me ministrin e Shëndetësisë, Arben Vitia përuruam rinovimet 1.2 milionëshe në Klinikën e Urologjisë, e cila ka qenë një prej klinikave me gjendjen më të keqe, e në të cilën nuk është investuar që nga shpallja e pavarësisë, në vitin 2008”, tha Kurti.

Ai tregoi se me ministrin e Bujqësisë, Faton Peci ishin në Malishevë për korrje-shirje te bujku Asman Kryeziu, për të cilin tha se “djerrinën me 260 metra kub gurë e ka kthyer në 2 hektarë arë me grurë”.

Kurti tha se rendimenti i sivjetmë i grurit pritet ta plotësojë kërkesën e brendshme për konsum.

“Rendimenti këtë vit po duket të jetë i lartë. Pritjet tona janë që prodhimi i grurit të shtohet edhe për 140 mijë deri në 150 mijë ton grurë, që do të thotë se do të mund ta plotësojmë kërkesën e brendshme për konsum, pa pasur nevojë të importojmë apo të varemi nga importi”, tha Kurti.

everia e Kosovës ka marrë vendim që të shpallë datën 11 korrik, ditë përkujtimi për gjenocidin në Srebrenicë.

Kryeministri Albin Kurti, tha se ky është një veprim fisnik dhe i duhur që mos të harrohet asnjëherë gjenocidi në Bosnjë Herecegovinë dhe Kosovë.

Kreu qeveritar, Albin Kurti në mbledhjen e sotme të qeverisë u mburr edhe për punën e ekzekutivit në gjashtë muajt e parë të vitit 2024.

Albin Kurti tha se presin që rendimenti i grurit këtë vit të jetë i lartë dhe do të munden të plotësojnë kërkesën për grurë pa pasur nevojë për importim.

Kryeministri i Kosovës, Albin Kurti ka nisur mbledhjen e Qeverisë së Kosovës në kujtim të viktimave të masakrës së Srebrenicës me një minutë heshtje.

Ai duke arsyetuar propozim vendimin për shpalljen e 11 korrikut, ditë përkujtimore për gjenocidin në Srebrenicë.

Vendim ky që pritet të miratohet ka thënë se është më përputhje me rezuluten e miratuar në Kuvendin e Kosovës dhe institucione tjera ndërkombëtare.