Tesla siguron një marrëveshje për furnizimin me module të kamerës me Samsung, me vlerë deri në 4 miliardë dollarë

Auto

Tesla siguron një marrëveshje për furnizimin me module të kamerës me Samsung, me vlerë deri në 4 miliardë dollarë

Më: 12 qershor 2022 Në ora: 16:14
Foto ilustrim

Tesla ka siguruar një marrëveshje me njësinë e komponentëve elektronikë të Samsung për ta furnizuar me kamera për sistemet vetëdrejtuese të markës.

Sipas mediave të huaja, marrëveshja me Samsung Electro-Mechanics vlerësohet të jetë me vlerë deri në 4 miliardë dollarë (3.2 miliardë euro).

Samsung mundi LG Innotek dhe Primax Electronics për të fituar kontratën me Tesla, por kjo nuk është hera e parë që prodhuesi korean i elektronikës bashkëpunon me prodhuesin amerikan të automjeteve për të prodhuar komponentë automjetesh.

Në shtator 2021, Samsung-ut iu dha gjithashtu një kontratë për të furnizuar Tesla-n me çipin e gjeneratës së ardhshme Full Self-Driving 4.0, dhe në korrik fitoi një kontratë 436 milionë dollarë për furnizimin e moduleve të kamerës për një model të ri që përflitet të jetë Cybertruck.

LG Innotek do të vazhdojë të furnizojë 20 përqind të kamerave për sistemin, por Samsung do të furnizojë shumicën prej 80 për qind sipas marrëveshjes.

Kamerat do të përdoren në çdo model Tesla, përkatësisht Model S, Model 3, Model X, Model Y dhe Cybertruck-un e ardhshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat