Si rezultat i shtrenjtimit të energjisë elektrike, po humb interesimi për veturat elektrike

Auto

Si rezultat i shtrenjtimit të energjisë elektrike, po humb interesimi për veturat elektrike

Më: 12 shtator 2022 Në ora: 22:15
Foto ilustrim

Nëse vazhdon kriza energjetike, interesimi i investitorëve për ndërtimin e stacioneve për mbushje të veturave elektrike do të vihet në pikëpyetje.

Kostoja e lartë e energjisë elektrike po rrezikon të ardhmen e veturave elektrike, paralajmërojnë shefat e autoindustrisë në Gjermani.

Siç raporton The Guardian, rritja e çmimit të energjisë, si mungesa e pjesëve rezervë, është duke zvogëluar fuqinë blerësve në prag të inflacionit, që po ka ndikim të madh në prodhimin dhe shitjen e veturave.

E nëse ky trend ky vazhdon, gjithashtu ekziston brenga se do të vie deri të largimi i investitorëve, që nuk do të kenë motiv për ndërtimin e stacioneve për mbushjen e veturave elektrike, ku si pasojë e kësaj veturat  elektrike nuk po përbëjnë interesim edhe aq të madh tani për blerësit.

Para kësaj krize, veturat elektrike kanë qenë shumë tërheqëse – në veçanti kur çmimi i derivateve u ngrit në masë të madhe, por ngritja e çmimit të energjisë elektrike ka ndryshuar gjithçka.

Për shembull për një të tretën, është zvogëluar lëvizja e veturave elektrike në Gjermani tani për dallim nga një vit më parë.

“Shpërthimi i çmimeve të energjisë elektrike mund të jetë rrezik akut për tranzicionin e veturave, dhe duhet të jemi të kujdesshëm me këtë. Nëse veturat elektrike bëhet të shtrenjta për t’u përdorur, elektrifikimi i veturave është në rrezik nga kolapsi, pasi rrallëkush do të blejë veturë elektrike”, tha për mediat gjermane, ekonomisti-eksperti i autoindustrisë, Stephan Bracel.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat