E dimë të gjithë ngrënia e mëngjesit të dobëson, por pse? Zbuloni arsyet!

Dieta

E dimë të gjithë ngrënia e mëngjesit të dobëson, por pse? Zbuloni arsyet!

Më: 5 janar 2021 Në ora: 23:05
Ilustrim

Të heqësh dorë nga mëngjesi në favor të dobësimit, rrit jo vetëm rrezikun e obezitetit, por edhe atë të sëmundjeve të zemrës. Aktore të njohura si Jennifer Aniston apo Joanna Lumley ia atribuojnë humbjen në peshë faktit që “nuk e harrojnë” vaktin më të rëndësishëm të ditës.

Studimet kanë treguar se ngrënia e mëngjesit ndihmon në përshpejtimin e metabolizmit, prandaj sigurohuni që të hani 30-60 minuta pasi jeni zgjuar për të përfituar nga potenciali i plotë i trupit për të djegur yndyrat.  Të ngrënit mëngjes është përshëndetur me kohë si promovues i një shëndeti më të mirë, përfshirë këtu mbajtjen në frè të peshës dhe kolesterolit.

Duke ngrënë mëngjes ju shmangni ndjesitë e urisë gjatë ditës, kështu nuk përfundoni duke ngrënë ushqime të pashëndetshme.

Një mëngjes i lartë në proteina, si vezë apo kos, ju largon ndjesinë e urisë, ju ndihmon të hani më pak dhe më e rëndësishmja, të dobësoheni. Një studim ka zbuluar se gratë që hanë vezë për mëngjes humbasin dyfishin e peshës së atyre që e nisin ditën me gjëra të lehta.

Ushqimet e pasura në proteina ju mbajnë gjithashtu të ngopur dhe me energji gjatë gjithë ditës, duke qenë se treten më ngadalë se ushqimet tjera.

Kështu që mos dilni asnjëherë pa ngrënë një mëngjes shumë të bollshëm dhe të mirë, ai nuk është kurrë tepër!

commentFirst article
Sot mund të lexoni Shfletoni kopertinat