A e dini se cili është muaji më i keq për të mbajtur dietë?

Dieta

A e dini se cili është muaji më i keq për të mbajtur dietë?

Më: 1 mars 2022 Në ora: 16:35
Ilustrim

Nëse në fillim të vitit vendosët të humbisni peshë, por tashmë e keni prishur dietën tuaj, mos e fajësoni veten. Me sa duket, ne planifikojmë të hamë tepër, veçanërisht në dimër dhe kjo shpjegon pse ushqimet e majme duken kaq joshëse në ditët e ftohta të janarit.

Kushdo që dëshiron të humbasë peshë, është më mirë të presë pranverën për të filluar të numërojë kaloritë dhe të shikojë sasinë e tyre, rekomandojnë shkencëtarët nga Universiteti i Exeter. Ata përdorën një sërë modelesh matematikore për të hetuar teorinë se trupi evoluoi për të ruajtur një sasi të caktuar yndyre. Llogaritjet e tyre zbuluan se është më e rrezikshme të jesh shumë i dobët dhe në rrezik nga uria sesa të jesh shumë i shëndoshë.

Kjo është arsyeja pse dëshira e lindur për të rritur yndyrën dhe peshën trupore është më e fortë se dëshira për ta humbur atë. Gjithashtu, kjo nevojë për akumulimin e yndyrës në trup përkeqësohet nga ushqimet me shumë yndyrë dhe sheqer, të cilave truri është shumë i vështirë t’i rezistojë.

“Dikush do të priste që evolucioni do të na mundësonte të kuptojmë se kur kemi ngrënë mjaftueshëm, por në vend të kësaj ne kemi pak vetëkontroll kur përballemi me ushqim artificial”, tha Dr Andreë Higginson, një pedagog psikologjie në Exeter.

Llogaritjet e Dr. Higginson dhe kolegëve të tij treguan gjithashtu se dëshira për më shumë ruajtje të yndyrës është jashtëzakonisht e fortë në dimër. Ky kombinim i hap rrugën shtimit të peshës gjatë muajve më të ftohtë të vitit, sipas studiuesve. Kjo sugjeron se Viti i Ri është ndoshta periudha më e keqe e vitit për të filluar një dietë të re.

Higginson shtoi se është mirë të presësh deri në prill ose maj kur fidanët fillojnë të rriten dhe frika për kequshqyerjen ulet, duke lehtësuar kështu rënien në peshë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat