Bëri thirrje për vrasjen e Putinit, reagon Shtëpia e Bardhë

Evropë

Bëri thirrje për vrasjen e Putinit, reagon Shtëpia e Bardhë

Nga: H.O. Më: 4 mars 2022 Në ora: 21:37
Senatori amerikan, Lindsey Graham

Shtëpia e Bardhë ka kritikuar senatorin republikan Lindsey Graham pasi ai bëri thirrje për vrasjen e presidentit rus Vladimir Putin në Twitter, shkruan BBC, transmeton Bota sot.

Amerikani kishte thënë se e vetmja mënyrë se si përfundon pushtimi rus në Ukrainë është "dikush në Rusi ta nxjerrë këtë djalë".

Graham, i cili përfaqëson Karolinën e Jugut, shkroi në Twitter:

"Do t'i bënit vendit tuaj - dhe botës - një shërbim të madh".

Të premten, sekretarja e shtypit e Shtëpisë së Bardhë, Jen Psaki, u tha gazetarëve:

"Ky nuk është qëndrimi i qeverisë së Shteteve të Bashkuara dhe sigurisht nuk është një deklaratë që do ta dëgjonit nga goja e kujtdo që punon në këtë administratë".

Komentet e Graham kanë shkaktuar zemërim në Rusi, me ambasadorin e vendit në SHBA duke i cilësuar ato si "rusofobi histerike".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat