Pasi u mbajtën peng nga trupat ruse për më shumë se tre javë, 64 punëtorë në termocentralin bërthamor të çmontuar të Çernobilit në Ukrainë më në fund arritën të largoheshin, shkruan BBC, transmeton Bota sot.
Ata janë zëvendësuar nga 46 punonjës që dolën vullnetarë për të udhëtuar drejt uzinës.
Rreth 200 punëtorë me turne dhe anëtarë të Gardës Kombëtare të Ukrainës ishin bllokuar në termocentralin që nga 24 shkurti - dita e parë e luftës - kur trupat ruse e pushtuan atë.
Duke qenë se pala ruse nuk ishte në gjendje të garantonte sigurinë e tyre nëse përpiqeshin të largoheshin nga uzina, punëtorët u bllokuan me ushqim dhe ilaçe në mungesë. Ata u detyruan të flinin mbi gjithçka që gjenin - dysheme, tavolina dhe disa shtretër të vegjël kampi.
Gjatë sprovës së tyre, termocentrali humbi lidhjen me rrjetin elektrik pasi luftimet në rajon dëmtuan një kabllo elektrike.
Kishte frikë se humbja e energjisë mund të çonte në një dështim të sistemit të ftohjes për karburantin bërthamor të shpenzuar që ruhet në vend, megjithëse ekspertët thanë se një fatkeqësi e madhe nuk kishte gjasa.
Çernobili ishte vendi i fatkeqësisë më të keqe bërthamore në botë në vitin 1986, kur një nga katër reaktorët e tij shpërtheu duke rrjedhur materiale radioaktive në mjedis.
