​Rau: Sanksione më të ashpra kundër Rusisë

Evropë

​Rau: Sanksione më të ashpra kundër Rusisë

Më: 1 korrik 2022 Në ora: 22:13
Zbigniew Rau

Ministri i Jashtëm polak i ka kërkuar Bashkimit Evropian që të vendosë një paketë të re dhe më të rreptë sanksionesh ndaj Rusisë, duke deklaruar se ato aktuale janë “të pamjaftueshme”.

Zbigniew Rau apeloi në Helsinki ku takoi homologun e tij finlandez Pekka Haavisto.

“Regjimi rus duhet të izolohet nga komuniteti ndërkombëtar dhe ekonomia,” tha Rau në një konferencë shtypi të mbajtur me Haavisto.

Sanksionet aktuale janë të pamjaftueshme, ne duhet të vazhdojmë të punojmë për një paketë të re masash kufizuese”, shtoi ai.

Ai tha se pas pushtimit rus të Ukrainës, e gjithë Evropa u gjend në një situatë të re strategjike dhe se “Rusia nuk mund të shihet më si partnere”.

BE-ja ka miratuar deri më tani gjashtë raunde sanksionesh kundër Moskës dhe blloku aktualisht po punon për paketën e shtatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat