Kërcënimi për mobilizim/ Rusia mbyll kufirin e parë

Evropë

Kërcënimi për mobilizim/ Rusia mbyll kufirin e parë

Nga: M.L. Më: 28 shtator 2022 Në ora: 17:38
Foto nga vendngjarja

Që pak pas orës 13:00, Rusia me sa duket ka mbyllur kufirin me Norvegjinë. Kështu bëjnë të ditur autoritetet norvegjeze. Rrjedhimisht, në pikën kufitare Storskog nuk kishin mbërritur as makina dhe as njerëz që pas mesditës, shkruan blick,ch transmeton "Bota sot".

“Ne nuk kemi marrë asnjë informacion nga pala ruse, kështu që është e vështirë të thuhet nëse Rusia ka vendosur kufizime udhëtimi”, thanë autoritetet lokale të policisë. Në ditët e fundit, nga 400 deri në 500 persona kanë udhëtuar nga Rusia në Norvegji në pikën kufitare.

Shumica e tyre ishin të rinj rusë që donin t'i iknin kërcënimit të mobilizimit. 14 minuta më parë Gjendja e alarmit është vendosur në kufirin me Gjeorgjinë.

Për shkak të radhëve të gjata të daljes që rezultojnë nga mobilizimi i pjesshëm në Rusi, autoritetet ruse kanë kufizuar hyrjen në një rajon në kufi me Gjeorgjinë. Udhëheqësi i rajonit rus të Osetisë së Veriut, Sergei Meniajlo, nënshkroi një dekret që kufizon kalimin e automjeteve të pasagjerëve nëpër rajon, përveç vendasve dhe turistëve, njoftoi kanali televiziv zyrtar i qeverisë rajonale në shërbimin online Telegram të mërkurën.

Gjendja e alarmit u ngrit gjithashtu në disa rrethe dhe në kryeqytetin rajonal, Vladikavkaz. Kufizimet do ta bëjnë shumë më të vështirë udhëtimin nga Osetia e Veriut në kryeqytetin e Gjeorgjisë Tbilisi, rreth 200 kilometra më në jug.

Shumë rusë kanë kërkuar strehim atje që nga ndërhyrja ruse në Ukrainë. Që nga mobilizimi i pjesshëm nga Presidenti Vladimir Putin javën e kaluar, dhjetëra mijëra rusë kanë udhëtuar jashtë vendit, kryesisht në Gjeorgji, Kazakistan dhe Mongoli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat