Ukraina kërkon drejtimin e centralit bërthamor nga Kiev

Evropë

Ukraina kërkon drejtimin e centralit bërthamor nga Kiev

Më: 5 tetor 2022 Në ora: 15:58
Petro Kotin

Autoritetet ruse thanë se centrali bërthamor i Zaporizhzhia në jug të Ukrainës do të operojë nën mbikqyrjen e Moskës, raportoi BBC më herët gjatë ditës.

Ky njoftim u publikua pasi Kremlin shpalli aneksimin e këtij regjioni bashkë me tre tjerat gjatë para disa ditësh.

Por, drejtori ukrainas i centralit bërthamor, më të madhit në Evropë, u kidnapua për një kohë të shkurtë nga rusët, dhe mbikqyrësi nuklear i OKB-së thotë se ai nuk do të kthehet në punë.

Ndërsa, Petro Kotin, drejtor i rregullatorit shtetëror për energji bërthamore “Enerhoatom”, sot lajmëroi se do të rimarrin e drejtimin e centralit nga Kiev.

Përmes një video-mesazhi, ai ftoi personelin ukrainas të centralit mos të nënshkruajnë asnjë kontratë me ‘pushtuesit’ rusë, raporton BBC.

Mirëpo, mbetet e paqartë se si Kotin do të drejtorë centralin, meqenëse është i lokalizuar në pjesën e kontrolluar nga rusët në Zaporizhzhia.

Trupat ruse rrethuan centralin bërthamor në ditët e para të agresionit të tyre më 24 shkurt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat