Zëdhënësja e Ministrisë së Jashtme ruse, Maria Zakharova deklaroi se është jashtëzakonisht e vështirë të besohet se Shteti Islamik (ISIS) do të kishte pasur kapacitetin për të kryer sulmin e javës së kaluar në një sallë koncertesh në Moskë.
Disa persona të armatosur sulmuan ndërtesën, duke vrarë të paktën 139 njerëz, shkruan Sky News.
Edhe pse Shteti Islamik ka marrë përgjegjësinë për sulmin dhe vendet perëndimore besojnë se grupi terrorist qëndron pas tij, Rusia ka hedhur dyshime për këtë.
Ajo pretendon se Ukraina ishte pas sulmit – të cilin Kievi e mohon me forcë – dhe shefi i FSB-së i Rusisë dje akuzoi gjithashtu Britaninë e Madhe dhe SHBA-në për ndihmë.
