Koha për pushime ka përfunduar dhe te Ferrari janë gati për t’u rikthyer në pistë për pjesën e dytë të sezonit. Kjo pjesë e parë ka qenë disi zhgënjyese për “kokëkuqen”, që ka falur shumë gara për shkak të gabimeve të skuadrës apo pilotëve të saj.
Pavarësisht kësaj, Charles Leclerc shprehet se morali i skuadrës është i lartë:
“Ka momente pozitive dhe negative dhe mendoj se diferenca për të dalë nga momenti i vështirë vjen nga këto situata. Kemi parë me vëmendje cdo moment të këtij sezoni dhe kemi mësuar nga gabimet tona”.
“Jemi të gjithë të bashkuar e gati për të vijuar betejën.
Ferrari ka treguar se është një makinë e shpejtë këtë sezon, ndaj mund t’i mundim rivalët tanë. Gabimet janë pjesë e punës tonë. Mendoj se duhet të shohim gjërat pozitive që na motivojnë për të fituar sërish”, tha Leclerc.
