Borusia e Dortmundit shuan ëndrrën e PSG-së për të prekur për herë të dytë në histori finalen e Championsit.
Skuadra verdhezi fitoi me të njëjtin rezultat 1-0 edhe ndeshjen e kthimit në “Parc des Princes” me gol të Mats Hummels.
Falë këtij realizimi, kapiteni verdhizi u fut në histori duke u bërë gjermani më i vjetër që ka shënuar një gol në një ndeshje eliminatore të Champions-it.
Mbrojtësi është plot 35-vjeç e 143 ditë, teksa ky gol i shënuar ndaj PSG-së duket se do të mbahet mend gjatë, pasi pati një peshë goxha të madhe.
