Erzeni dhe Teuta do të duelojnë mes tyre në kuadër të javës së 35-të të Superiores, sfidë që do të luhet në orën 16:00 në “Arenën e Demave”. Një përballje mjaft e rëndësishme për durrsakët që kërkojnë fitoren, pasi dëshirojnë t’i largohen sa më shumë zonës “Pay-Out”.
Nga krahu tjetër për shijakasit është një sfidë pa shumë rëndësi, pasi skuadra e udhëhequr nga Alfred Deliallisi ka rënë nga Superiorja dhe në sezonin e ri do të rinisë gjithçka nga Kategoria e Parë. në këto kushte shijakasit do të luajnë vetëm për të respektuar garën dhe për statistikë.
Kujtojmë se aktualisht Teuta mban vendin e 7 me 44 pikë, 2 më shumë se Laçi i vendit të 8-të. Ndërsa një fitore ditën e sotme, e kombinuar me humbje ose barazim të kurbinasve, “djemtë e detit” do të shmagnin kështu “Play-Out”.
Formacionet e mundshme:
Erzeni: Hasanmbelli, Maliqi, Sadiki, Kacbufi, Asani, Mëllugja, Kahrimanovic, Migone, Zeka, Mihana, Blazevic. Trajner: Alfred Deliallisi
Teuta: Vata, Kruja, Gjini, Jazxhi, Kotobelli, Beqja, Daja, Gjinollari, Daci, Boçi, Peposhi. Trajner: Edi Martini.
