Presidenti i FFK-së,Agim Ademi, priti në takim ish-futbollistin e gjeneratës së artë të FC Prishtina, Xhevdet Muriqi.
Në këtë takim të përzemërt u diskutua për të kaluarën, të tashmen dhe të ardhmen e futbollit tonë..
"Gjatë takimit, presidenti Ademi shprehu mirënjohjen e tij ndaj kontributit të ndritur të Xhevdet Muriqit në fushën e futbollit dhe për rolin e tij në zhvillimin e këtij sporti në Kosovë.
Xhevdet Muriqi, nga ana e tij, falënderoi presidentin Ademi për pritjen dhe për interesimin e tij të vazhdueshëm për gjeneratat e kaluara të futbollit.
Ai po ashtu përgëzoi kreun e FFK-së për punën e mirë në përparimin e futbollit në vend në të gjitha aspektet", njofton FFK.
