Lojtari i famshëm i golfit Tiger Woods u përfshi në një aksident në Florida të premten pasdite, konfirmoi zyra e sherifit lokal.
Aksidenti ndodhi në ishullin e Jupiterit, dhe informacioni i parë u publikua nga “ABC News”, shkruan “The Guardian”.
Detaje të mëtejshme mbi shkakun e aksidentit dhe gjendjen e Woods nuk janë publikuar ende.
Sherifi John Budensiek pritet të mbajë një konferencë për shtyp.
Woods ka luajtur shumë më rrallë vitet e fundit pas një aksidenti të rëndë me makinë në shkurt 2021, në të cilin ai pësoi lëndime serioze në këmbë.
50-vjeçari nuk ka luajtur në një turne zyrtar që nga korriku 2024, por këtë javë ai mori pjesë në garën e mbyllur TGL.