Gjetje të reja arkeologjike në kalanë e restauruar të Bashtovës

Historia

Gjetje të reja arkeologjike në kalanë e restauruar të Bashtovës

Më: 3 nëntor 2022 Në ora: 09:08
Foto ilustrim

Bashkë me lajmin e mirë të restaurimit të kalasë unike të Bashtovës, falë programit EU4Culture, vjen dhe ai i gjetjeve të reja arkeologjike, që hapin dritare të reja mbi historinë e monumentit.

Lajmin e ka bërë të ditur përmes një postimi në rrjetet sociale ministrja e Kulturës, Elva Margariti, sipas së cilës gjatë këtyre ditëve, krahas punës restauruese në Kalanë e Bashtovës, po realizohen edhe sondazhe arkeologjike për identifikimin e shtresave kulturore të monumentit si dhe për kontrollin e çarjeve vertikale në pika të ndryshme të tij.

Së fundmi sondazhet kanë nxjerrë në dritë gjurmë të periudhës otomane të shek. XVIII.

Janë gjetur gjyle të përmasave të ndryshme si dhe materiale qeramike të së njëjtës periudhë. Jo vetëm gërmimet e mëtejshme, por edhe dokumentimi dhe studimi i materialeve të gjetura do të japin përgjigje më të sakta lidhur me këto gjetje.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat