Hudhra, një zgjidhje e disa prej problemeve tona të përditshme

Këshilla mjekësore

Hudhra, një zgjidhje e disa prej problemeve tona të përditshme

Më: 16 gusht 2022 Në ora: 15:13
Foto ilustrim

Kujt ja merrte mendja se hudhra përveç se i jep një shije më të mirë ushqimit, i jep edhe një zgjidhje problemeve tona të përditshme.

Këtu kemi një listë të të gjithë trukeve që mund të reazlizoni, në saj të fuqive magjike të hudhrës.

Fytyra

Si do ja bëni nëse ju ka dalë një puçërr e tmerrshme dhe ju duhet ta zhdukni deri nesër? Epo ne po ju japim zgjidhjen! Prisni një thelb hudhër në mes dhe vendoseni mbi puçër nga ana e prerë. Mbajeni aty për rreth 20 minuta dhe më pas hiqeni, por mos e pastroni më atë zonë. Gjithë natën hudhra ka për të bërë efektin e saj për ta përtharë e më pas zhdukur atë puçërr të tmerrshme.

Këmbët

Të gjithëve do t’ju ketë ndodhur t’ju kenë vrarë këpucët. E dini ç’është më e keqja? Që kur këmbët i ke copë nuk ta mban të veshësh as këpucë të tjera. Për këtë ju vjen në ndihmë hudhra. Fërkoni me hudhër plagën që ju kanë shkaktuar këpucët. Ajo do të kryejë dezinfektimin dhe po ashtu mbylljen e shpejtë të plagës.

Mushkonjat

Tani mushkonjat janë në sezonin e tyre. Ama insektet e besdisshme në fjalë është provuar që nuk i preferojnë njerëzit që konsumojnë sasi të konsiderueshme hudhre.

Flokët

A jua merrte mendja se zbokthin mund ta largoni me ndihmën e vetive që hudhra ka? Grini shumë hudhër në një mikser, më pas masën e formuar vendoseni në flokë sa më afër skalpit. Pasi ta keni mbajtur 20- 30 minuta lani kokën. Vetëm se sigurohuni që të përdorni një shampo me aromë të fortë për të zhdukur të gjithë erën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat