Është sezoni kur shumë njerëz përpiqen të zbatojnë me sukses vendimet e tyre të Vitit të Ri. Këto synime shpesh lidhen me pamjen fizike dhe shëndetin. Ekspertët theksojnë se është shumë e rëndësishme të fokusohemi tek shëndeti i sistemit kardiovaskular.
Duke adoptuar disa zakone jetese të shëndetshme, ju mund të ndikoni në kushte të ndryshme që ju vënë në rrezik të sulmit në zemër dhe goditje në tru, si kolesteroli i lartë, diabeti dhe presioni i lartë i gjakut.
Kardiologët kanë zbuluar për HuffPost katër zakone të rëndësishme të jetesës që mund të ndryshojnë jetën tuaj për të mirë nëse filloni t’i ndiqni ato.
Ushtrimet
Mjekët theksojnë se ushtrimet janë hapi i parë dhe themelor në rrugën drejt shëndetit kardiovaskular. Ushtrime të tilla si vrapimi, noti, çiklizmi dhe ecja janë të shkëlqyera për zemrën dhe mushkëritë. Ato përmirësojnë sistemin kardiovaskular, rrisin qëndrueshmërinë dhe zvogëlojnë rrezikun e sëmundjeve të ndryshme. Ushtrimet kardio gjithashtu ndihmojnë në djegien e kalorive dhe humbjen e yndyrës, gjë që është çelësi për humbjen e peshës, përcjell Index.hr.
Njihuni me organizmin tuaj
Është shumë e rëndësishme që të njihni “numrat” tuaj, domethënë që të merrni një pasqyrë të plotë të gjendjes së trupit tuaj. Është mirë që të shkoni te mjeku juaj dhe të bëni një ekzaminim rutinë, gjatë të cilit do t’ju marrin gjakun, do t’ju dëgjojnë zemrën, do t’ju bëjnë spirometri dhe do t’ju masin presionin e gjakut.
Përqendrohuni në një dietë të shëndetshme
Një dietë ushqyese, e mbushur me ushqime të tilla si fruta, perime, drithëra, proteina pa yndyrë dhe fasule, është e dobishme për shëndetin e zemrës dhe të gjithë organizmit.
Pushimi i mirë
E fundit, por jo më pak e rëndësishme, është mirë që të pushoni gjatë natës. Rekomandohet që të rriturit të flenë nga shtatë deri në nëntë orë çdo natë. Sigurisht, kjo nuk do të jetë gjithmonë e mundur, por duhet të përpiqeni për të.
