Poret e bllokuara, gjenetika, mosha dhe dëmtimi nga dielli, janë shkaqet kryesore të të zgjerimit të poreve. Por kjo nuk do të thotë që nuk mund t’i minimizoni ato.
Është absolutisht e mundur të zvogëloni këtë problem nëse zgjidhni trajtimin e duhur dhe bëni disa procedura themelore të pastrimit.
“Bright Side” sjell këto këshilla nga dermatologët për një lëkurë sa më të shëndetshme.
Përdorni vetëm produkte pastruese që janë përshtatur me pehazhin natyral të barrierës mbrojtëse të lëkurës.
Ne mund të duam të eksperimentojmë me produkte pastruese, por ndonjëherë harrojmë të kontrollojmë ekuilibrin e tyre të pehazhit. Profesionistët në fushën e kozmetikës thonë se kjo është një gjë thelbësore.
Produktet tuaja të kujdesit të lëkurës duhet të përvetësohen në lëkurën tuaj, e cila normalisht shtrihet ndërmjet 4.7 dhe 5.75 përsa i përket nivelit të pehazhit.
Pastruesi i gabuar mund të jetë shkas për një lëkurë më pak elastike dhe më të ndjeshme. Përveç poreve të gjera, ajo gjithashtu shkakton sëmundje të ndryshme të lëkurës si dermatiti.
Mos përdorni krem dite në një hundë të yndyrshme.
Mund të tingëllojë e çuditshme, por dermatologët nuk ju këshillojnë të vendosni krem në hundë nëse është e yndyrshme ose nëse keni pika të zeza. Kjo mund të çojë në pore edhe më të gjera. Kur përdorni krem kundër diellit në fytyrën tuaj, duhet të zgjidhni ato që nuk përmbajnë vaj.
Vendosni acid glikolik për të zhbllokuar poret.
Nëse keni pore të mëdha, të bllokuara, dermatologët sugjerojnë përdorimin e acidit glikolik. Mund të përdoret edhe për lëkurë të thatë. Përdorimi i produkteve që përmbajnë këtë përbërës mund t’ju ndihmojë të pastroni qelizat e vdekura të lëkurës dhe vajin që mbahet brenda poreve.
Lani fytyrën dy herë në ditë me ujë të ngrohtë.
Normalisht, poret e bllokuara dhe një lëkurë e yndyrshme i bën poret të duken më të mëdha. Lani fytyrën në mëngjes dhe para gjumit për të pastruar poret, por mos harroni se uji nuk duhet të jetë shumë i nxehtë, sepse mund të irritojë edhe më shumë lëkurën. Dhe kur lëkura irritohet, kjo i bën poret të duken më të mëdha.
Përdorni krem dielli pa vaj.
Edhe kremi kundër diellit mund t’i bllokojë poret.
Për lëkurën me puçrra dhe me vaj përdorni një krem kundër diellit pa vaj. Duhet të ketë cilësi të lehtë dhe mund të përmbajë zink.
Është më mirë të shmangni kremin kundër diellit të papërshkueshëm nga uji, sepse lëkura juaj nuk do të mund të marrë frymë dhe poret do të bllokohen edhe më shumë.
Për lëkurë të thatë, duhet të përdorni një krem kundër diellit dhe një krem hidratues të lehtë, por jo me vaj.
Mbani me vete letra të pastrimit të vajit gjatë ditës.
Kjo mund të funksionojë edhe për ata me lëkurë të kombinuar kur faqet janë të thata, por hunda është e yndyrshme, për shembull. Thjesht hiqni qafe vajin shtesë nga lëkura duke e shtypur butësisht.
Shmangni produktet kozmetike me lëng për lëkurën e yndyrshme dhe të kombinuar.
Këto mund ta përkeqësojnë situatën e poreve. Ju duhet të dini se çfarë lloji lëkure keni. Edhe nëse keni faqe të thata, kjo prapë nuk do të thotë se keni nevojë për locion shtesë hidratues në tërë fytyrën tuaj. Dermatologët sugjerojnë përdorimin e një kremi hidratues të lehtë për ata që kanë pore të mëdha.
Kufizoni produktet e qumështit.
Dermatologët rekomandojnë të pini 200 ml qumësht në ditë ose të konsumoni një zëvendësues, si qumështi i bajames ose i kokosit, sepse ato janë më të mira për lëkurën tuaj. Disa hormone mund të gjenden në qumështin e lopës dhe konsumimi i tij çon në pore të zgjeruara. Ju mund të konsultoheni me specialistin tuaj se çfarë lloj qumështi është i përshtatshëm për ju.
Vendosni një locion me oksid zinku në zonat me pore të mëdha.
Oksidi i zinkut është një përbërës aktiv në shumë kremëra. Mund të përdoret për lloje të ndryshme të lëkurës dhe siguron një efekt mbrojtës. Mjekët sugjerojnë që kohë pas kohe të aplikohet një shtresë e hollë locioni me oksid zinku në zona me pore të zmadhuara.
Zgjidhni një scrub që i përshtatet llojit tuaj të lëkurës.
Së pari, duhet të përcaktoni llojin tuaj të lëkurës.
Për njerëzit me lëkurë të thatë, të ndjeshme dhe të prirur për puçrra është më mirë të përdorni një scrub të butë, sepse shtresimi i fortë mekanik mund të jetë shumë irritues.
Për njerëzit me lëkurë të yndyrshme dhe të trashë mund të përdorni scrub më të fortë. Por është më mirë ta shmangni këtë nëse keni një ton të errët të lëkurës ose vëreni njolla të errëta në lëkurën tuaj pas djegies.
