Disa këshilla për t’u rikthyer lehtë në formë, pas pushimeve

Life style

Disa këshilla për t’u rikthyer lehtë në formë, pas pushimeve

Më: 27 gusht 2021 Në ora: 18:55
Foto ilustrim

Frutat e freskëta, perimet dhe produktet pa yndyrë janë vetëm disa nga zgjedhjet më të mira dietike që mund të bëni. Kthimi nga pushimet verore nuk është padyshim më i këndshmi sidomos kur ktheheni pak të fryrë nga ushqimi dhe alkooli që keni shijuar në maksimum në ditët e mëparshme.

Sipas një studimi të Universitetit të Xhorxhias, të rriturit fitojnë mesatarisht një kilogram kur shkojnë me pushime për 1-3 javë. E vërteta është se 1 kg mund të mos jetë një rritje e konsiderueshme në peshë, por mos harroni se personi mesatar fiton vetëm një deri në dy kilogramë në vit.

1) Kthehuni në rutinën tuaj normale. Jepini fund ushqimit junk dhe përgatitini ushqimet tuaja çdo ditë.

2) Blini shumë fruta dhe perime të freskëta. Përfshini patjetër 2 fruta në ditë në dietën tuaj.

3) Mbushni frigoriferin tuaj me ushqim të shëndetshëm.

4) Shmangni ngrënien pranë televizorit pasi ka shumë mundësi që të josheni dhe të konsumoni sasi më të mëdha.

5) Thuaj jo pijeve të buta me sheqer.

6) Pini 2.5-3 litra ujë në ditë.

7) Bëni stërvitje. Edhe 30 minuta ecje ditore është një fillim i mirë.

8) Flini të paktën 8-9 orë gjumë në ditë.

9) Forconi sistemin tuaj imunitar me shtesa dietike dhe vitamina.

10) Bëni një detoksifikim të vogël për të ndihmuar zorrën të funksionojë sërish siç duhet. Shmangni alkoolin, sheqerin dhe ushqimet jo të shëndetshme.

11) Zëvendësoni kafen me çaj jeshil.

12) Zgjidhni ushqime të pasura me hekur dhe magnez (spinaq, kungull, bishtajore).

13) Thuaj po avokados. Mund t’i shtohet shumë recetave, do t’ju ​​ngopë ndërsa është burim i yndyrave të mira.

14) Nëse doni diçka të ëmbël, zgjidhni mjaltë.

15) Përfshini kosin në dietën tuaj. Është një zgjedhje e shkëlqyer për mëngjes ose darkë ndërsa kontribuon në shëndetin e zorrëve.

commentFirst article
Sot mund të lexoni Shfletoni kopertinat