Unë jam njeri që nuk i pëlqej takimet. Nuk di të bëj grim, nuk më pëlqen të shkoj në restorante, dhe rrallë më ndodh të kem para mënjanë për t’i shpenzuar për darka e pije. Për më tepër, jam në njeri e fiksuar se gjërat mund të shkojnë keq, e gjithmonë më ndodh që skenarët të jenë të rasteve më të këqija.
Njerëzit aseksualë, si unë, përjetojnë zero tërheqje seksuale. Ne i admirojmë njerëzit ashtu sikurse një adhurues i artit vlerëson një statujë. Në rastin tim, unë dua të kem një dorë që ta shtrëngoj, t’i tregoj sekrete, të shijoj atmosferën e festave, të shëtis bregut të detit, por asnjë interes seksual.
Nuk më pëlqejnë as puthjet. Madje, mendoj që janë të neveritshme. Në jetën time kam pasur shumë takime, por të gjitha më herët kanë përfunduar, se sa kanë filluar. Gjithmonë shqetësohesha se diçka mungonte ose supozoja se tersi ishte data. Por në fakt aseksualiteti im më dënoi.
Tashmë jam regjistruar në një sërë faqe takimesh. Por asnjëra prej tyre, nuk është e përshtatshme për mua. Ka faqe takimesh aseksuale, por opsionet janë të kufizuara nga numri i vogël i njerëzve që i përdorin ato. Jam përpjekur ta detyroj veten të imagjinoj të fle me njerëzit me të cilët dua të takohem. Por trupi im fillon e dridhet, kur në kokën time kalojnë këto skenarë. Ndonjëherë mendoj se e përdor aseksualitetin tim si një justifikim pse nuk mund të takohem me dikë, pse një marrëdhënie nuk do të funksionojë.
Prapëseprapë, takimi si një person si unë është i vështirë; çdo takim fillon me një gënjeshtër dhe të çon në një të vërtetë të vështirë, të pakëndshme. Duhet të dini kur dhe si të dilni. Ju duhet të jeni të qartë për kufijtë tuaj me një person para se t'i njihni. Ju duhet të shpresoni që ata të mos gënjejnë kur thonë: "Është në rregull" dhe të shpresoni se nuk po gënjeni për rehatinë tuaj nëse vendosni të eksperimentoni.
Unë kurrë nuk jam takuar me një person aseksual. Nuk është se jam kundër kësaj ideje, thjesht nuk jemi shumë në numër. Sigurisht, është edhe e vështirë ta thuash. Por vetëm për shkak se dikush është aseksual nuk do të thotë se ai do të jetë një zgjedhje e imja. Nuk e di se çfarë do të ndodhë me takimet e mia në të ardhmen. Por ajo që di mirë me siguri, është që në profilin tim do të shkruar:
Pëlqej librat, video-lojërat, urrej qepët, cigaren, me profesion shkrimtare. Dhe ASEKSUALE!
