Kompania me kosto të ulët “EasyJet” planifikon të ndërpresë operimet ndërmjet Gjenevës dhe Shkupit nga fillimi i sezonit dimëror 2024/25.
Me çka do të përfundojë shërbimi i vazhdueshëm trevjeçar në kryeqytetin e RMV-së, shkruan “Ex JU Aviation”.
Kompania ajrore, siç thuhet në njoftim, ka planifikuar fluturimin e fundit mes dy qyteteve për datën 1 nëntor dhe shitja e biletave është pezulluar.
“EasyJet” hyri në tregun e RMV-së në nëntor 2021 dhe është i vetmi operator ndërmjet Gjenevës dhe Shkupit. Linja Shkup-Gjenevë në sezonin aktual realizohet dy herë në javë, ndërsa në periudhën e kaluar verore ka pasur katër fluturime.
