Si mundet Covid-19 të rrisë rrezikun për mpiksje të gjakut në sy

Mjekësi alternative

Si mundet Covid-19 të rrisë rrezikun për mpiksje të gjakut në sy

Më: 21 prill 2022 Në ora: 21:31
Foto ilustrim

Tek pacientët me Covid-19 mund të kenë një rrezik të shtuar për mpiksje të gjakut , që kërcënon shikimin për disa muaj pas infeksionit. Për shkak se infeksionet Covid-19 rrisin rrezikun e pengesave të enëve të gjakut në zona të tjera në trup, studiuesit analizuan, gjysmë milioni pacientë me Covid-19.

Ata donin të shikon do të zhvillohej mpiksja në venat ose arteriet e retinës, indit nervor. Ky ind ndodhet në pjesën e prapme të syrit dhe funksionon si transmetues i imazheve në tru.

Gjatë gjashtë muajve të ardhshëm, 65 pacientë patën një bllokim të venave të retinës. Ky rezultat pasqyron një rritje statistikisht domethënëse prej 54% krahasuar me normat e infeksionit para Covid-19, thuhet në raportin e botuar të enjten në revistën mjekësore “JAMA Ophthalmology”.

Mpiksjet e arterieve të retinës ishin 35% më të zakonshme pas Covid-19 sesa më parë, por ky ndryshim mund të ketë qenë për shkak të rastësisë.
Mpiksjet u shfaqën më shpesh te pacientët me probleme të tjera shëndetësore, që rrisin rrezikun e problemeve të enëve të gjakut, si diabeti, presioni i lartë i gjakut dhe kolesteroli i lartë.

Rreziku i mpiksjes nuk duket të jetë i lidhur me ashpërsinë e infeksionit me koronavirus. Studimi nuk mund të provojë saktësisht se Covid-19 ishte shkaku kryesor për mpiksjen e gjakut në sytë e këtyre pacientëve. Ekspertët shpjegojnë se nevojiten studime më të mëdha për këtë çështje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat