Dimri po afron, bashkë me të gripin dhe alergjitë.Të gjithë jemi të shqetësuar se si do t'i përballojmë këto ngërçe të vogla, pasi nuk duam që të bëhen një pengesë e jetës së përditshme. Alergjinë mund ta shkaktojnë shumë alergjenë, por gjërat e zakonshme janë poleni, pluhuri, myku, qimet e maces ose ushqime të caktuara. Nëse mund të kontrolloni histaminën që lëshohet, atëherë mund të ndaloni edhe alergjitë në mënyrë natyrale.
Disa ilaçe natyrale që mund të ndihmojnë trupin të bllokojë ose zvogëlojë sasinë e histaminës së prodhuar, janë kuercetina, gjethja e hithrës dhe probiotikët.
Kuercetina është një pigment bimor ose flavonoid që gjendet në frutat dhe perimet e zakonshme. Ka veti të larta antioksidante të cilat kanë shumë përfitime shëndetësore si, ulja e rrezikut të sëmundjeve të zemrës dhe kancerit. Kjo bimë, ka një përfitim tjetër më pak të njohur dhe kjo do të ishte aftësia e saj për të bllokuar qelizat që të prodhojnë histaminë. Ky është një suplement i shkëlqyeshëm për kurat natyrale për alergjitë.
Gjethja e hithrës ka një histori të gjatë përdorimesh mjekësore, një nga të cilat është, vetia e saj e fortë anti-inflamatore. Ajo gjithashtu përforcon shëndetin e prostatës dhe është një diuretik natyral i cili hap rrugët e frymëmarrjes, duke e bërë atë të shkëlqyer për astmën.
Probiotikët janë thelbësorë kur kemi të bëjmë me alergji. Ato punojnë në ndërtimin e baktereve të zorrëve në një mënyrë të favorshme për të reduktuar reagimin e trupit tuaj ndaj alergjeneve.Sapo sistemi juaj imunitar të riparohet dhe të bëhet më i qëndrueshëm, do të shihni që nuhatja, tështitja, rrjedhja nga hunda dhe simptomat e tjera të alergjisë ,do të zgjidhen vetë.
