Njerëzit e moshës së mesme që janë fizikisht aktivë kanë një shans dukshëm më të ulët për të pasur një goditje në tru, tregon një studim i ri.
Studimi përfshiu 15.000 njerëz të cilëve iu kërkua të bënin stërvitje në një rutinë për të përcaktuar aftësinë e tyre fizike, pas së cilës ata u ndoqën për dekadën e ardhshme – raporton londinezja The Times.
Pjesëmarrësit kishin moshë mesatare prej 55 vjetësh dhe u ndanë në tri grupe në bazë të rezultateve të trajnimit.
Të dhënat treguan se grupi më i aftë fizikisht kishte një shans 8 për qind më të ulët për të zhvilluar fibrilacion atrial dhe një shans 12 për qind më të ulët për të pasur një goditje në tru gjatë dekadës që u ndoqën, krahasuar me grupin tjetër.
Në të njëjtën kohë, ata kishin 14 për qind më pak gjasa të përballeshin me probleme të pafavorshme kardiovaskulare, duke përfshirë sulmin në zemër.
Aktiviteti i rregullt fizik mund të ndihmojë në reduktimin e inflamacionit dhe përmirësimin e funksionit të zemrës, gjë që mund të parandalojë zhvillimin e fibrilacionit atrial – është shprehur autori kryesor i studimit.
Studimi u prezantua në kongresin e Shoqatës Evropiane të Kardiologjisë në Amsterdam.
