Motorola Edge 30 Pro e gatshme për tregun global

Mobile

Motorola Edge 30 Pro e gatshme për tregun global

Më: 2 shkurt 2022 Në ora: 12:42
Foto ilustrim

Motorola në dhjetor prezantoi telefonin Edge X30 për tregun kinez, duke u bërë telefoni i parë i mençur me procesorin e ri Snapdragon 8 Gen 1, e tani kjo pajisje është e qasshme në tregun global.

Edge X30 do të riemërohet për tregun jashtë Kinës, duke bartur emrin Edge 30 Pro. Në tregun global do të shfaqet gjatë këtij muaji, e në ofertë do të ketë ngjyra të ndryshme për dallim nga Kina që është e qasshme vetëm e bardha dhe e zeza.

Telefoni i mençur do të ketë ekran 6,7-inç OLED me rezolucion 1.080 x 2.400 pikselë dhe frekuencë freskimi prej 144 Hz, 8/12 GM Ram, 128/256 GB memorie të brendshme, me tri kamera të fuqishme përfshirë kryesoren prej 50 MP.

Pajisja do të përkrahet nga bateria prej 5.000 mAh dhe mbushësi i shpejtë 68W që do të mundësojë mbushjen e plotë të baterisë për vetëm 35 minuta.

Motorola Edge 30 Pro do të duhej të përdor sistemin operativ Android 12, dhe atë që nga dita e parë e punës. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat