Notkia është rivali i ri i Nokias

Mobile

Notkia është rivali i ri i Nokias

Më: 25 qershor 2022 Në ora: 12:24
Foto ilustrim

Kur Nokia deklaroi shitjen e saj të departamentit të shërbimeve dhe pajisjeve, kishte njerëz që dëshironin që Nokia të shkonte drejt sistemit operativ Android.

Ish-punonjësi i Nokia Thomas Zilliacus, ishte një nga ata persona që e kërkonin këtë, duke startuar një kompani të re për prodhim të telefonave me emrin Newkia me bazë në Singapor.

Ky projekt nuk zgjati edhe aq shumë, por gjithçka që mbeti nga ajo ishte HMD Global, kompani kjo e cila e riktheu në jetë markën që na pëlqen të gjithë neve.

Por që diçka tjetër ndodhi gjatë ditëve të kaluara. Ka filluar një lëvizje e fortë anti-Android dhe kundër telefonave të mençur, e cila përbëhet nga njerëz që dëshirojnë të përdorin pajisje klasike sikur ajo e Nokia 1680, shkruan NokiaMob.

Një haker i quajtur Reimu i SudoMaker krijoi një projekt të ashtuquajtur Notkia, e cila është plotësisht e kundërt me Newkian dhe Nokian e sotme, me qëllim të kundërshtimit të problemeve me shkeljen e privatësisë dhe kufizimin e hakueshmërisë që përbëjnë sistemin operativ Android.

Notkia nuk është një telefon i ri me karakteristika të Nokias, por në fakt është një “tabelë” zëvendësuese për serinë e telefonave Nokia 168x që janë të pajisur me një ekran të përmirësuar, USB-C dhe mbështesin teknologjinë WI-FI dhe Bluetooth.

Ekrani i vjetër 128×160 u zëvendësua me një ekran IPS 220×280. Telefoni përdor modulin LoRa 4G pasi që ishte moduli i vetëm i cili i përshtatej formës së telefonit. Gjithashtu është interesante sepse telefoni ka portin për USB-C i cili përdoret për rimbushje dhe OtG, ka edhe RGB LED, një sensor SHT20 e ndër të tjera Nokia 1680 ka edhe një kamerë prej 5MP.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat