Nëna alarmohet nga ‘vrima’ në gojën e bebes

Ndryshe

Nëna alarmohet nga ‘vrima’ në gojën e bebes

Më: 13 maj 2021 Në ora: 17:27
Nëna alarmohet nga ‘vrima’ në gojën e bebes

Një nënë e re në Britani përfundoi në një situatë të sikletshme, teksa u detyrua të dërgonte beben e saj në repartin e emergjencës prej asaj që dukej si ‘një vrimë e madhe’ në gojën e tij.

24 vjeçarja Becky Stiles, nënë e tre fëmijëve, tha për të përditshmen Sun se u tmerrua kur pa një “vrimë” të madhe në të kuqe të errët, në gojën e djalit të saj 10-muajsh Harvey, teksa po i ndërronte bebelinat në shtëpinë e tyre në Essex.

“U përpoqa ta prekja por ai më ulëriti, kështu që nxitova të thërrisja të atin për ta parë”, kujton Stiles duke shtuar se kishte mbetur “e tronditur, e duke mbajtur lotët.”

“Vendosën një dritë te goja e tij dhe babai tha, ‘çfarë dreqin është ajo?’” kujton e reja.

Ajo sugjeroi më pas të çonin me nxitim Harvey në spital, kështu që lanë dy fëmijët e mëdhenj me gjyshërit e tyre dhe udhëtuan për 30 minuta me makinë për të repartin më të afërt të emergjencës.

Kur arritën në spital stafi ishin gati të dërgonin të voglin Harvey te specialisti — derisa një moment, një infermiere ndriçoi një dritë në gojën e bebes.

“Pasi shikoi aty për rreth 30 sekonda, ajo tha, ‘Është një ngjitëse,’” kujtonte nëna momentet e çlirimit, edhe pse fillimisht nuk i besohej dhe insistonte se ishte një vrimë.

Por infermierja thjesht i tha: “Futa gishtin në gojën e tij dhe ajo ngeci në të,” kujton Stiles për incidentin e fillimit të javës.

“Unë nisa të qesh, po dridhesha e më pas po turpërohesha … i thashë se ndjehesha si një idiote,” thotë nëna duke shtuar se donte ta përqafonte infermieren po të mos ishte për rregullat e distancës së COVID.

“Ne të gjithë nisëm të qeshnim dhe më pas u kthyen të turpëruar në makinë. Harvey nuk kishte një vrimë në gojë por thjesht pëlqen të lëpijë ngjitëset”.

Image

 

commentFirst article
Sot mund të lexoni Shfletoni kopertinat