Minjtë kanë detyruar evakuimin e një burgu në Australi ndërsa autoritetet riparojnë instalimet elektrike të brejtura dhe pastrojnë brejtësit nga muret dhe tavanet.
Rreth 200 punonjës dhe 420 të burgosur do të transferohen nga Qendra Korrektuese Ëellington në shtetin rural të Uellsit të Ri Jugor në burgjet e tjera në rajon gjatë 10 ditëve të ardhshme ndërsa pastrimi dhe riparimet do të ndodhin, thanë zyrtarët të martën.
Puna në burg do të përfshijë hetimin e mënyrave për të mbrojtur objektin nga plagët e të cilat janë një fenomen kryesisht unik për Australinë, raporton AP.
Miliona minj kanë shkaktuar kërdi në rajonin e rritjes së drithërave në Uellsin e Ri Jugor për muaj me radhë, duke gllabëruar të korra dhe kashtë, si dhe duke pushtuar shtëpi, biznese, shkolla, spitale dhe burgje.
Njerëzit madje kanë raportuar se janë kafshuar nga minjtë në shtrat.
