Rusët shkrinë një Tesla 50 mijë dollarëshe për një bust të Elon Musk

Ndryshe

Rusët shkrinë një Tesla 50 mijë dollarëshe për një bust të Elon Musk

Më: 26 nëntor 2021 Në ora: 15:03
Bust i miliarderit amerikan, Elon Musk

Marka luksoze Caviar ka shkrirë një Tesla Model 3 për një bust të miliarderit amerikan, Elon Musk. Përveç bustit, prej tij është bërë edhe një iPhone.

Marka luksoze ruse Caviar tërheq gjithmonë vëmendjen me variantet e saj të shtrenjta të telefonave inteligjentë, konzollave të lojërave dhe veturave.

‘Shakaja’ e saj e fundit: Një bust i shefit të Tesla-s, Elon Musk. Busti është ndërtuar nga materiali i shkrirë i një Tesla Model 3, i cili kushton rreth 50 mijë euro në Rusi. Është i kufizuar në 27 copë dhe kushton 3220 dollarë (2890 euro).

Qëllimi nuk ishte krijimi i një imazhi fotorealist. “Ai (skulptori) krijoi një imazh të shpikësit që pasqyron arritjet dhe shpikjet e tij”, tha themeluesi i Caviar Sergey Kitov për Business Insider.

Ngjashmëria me Elon Musk mund të mos jetë e dukshme në shikim të parë, por Caviar e ka emrin të shkruar me shkronja të mëdha në një pllakë ari 24 karat që është ngjitur në bazën e mermerit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat