Ngordh panda gjigante në Tajvan

Ndryshe

Ngordh panda gjigante në Tajvan

Më: 20 nëntor 2022 Në ora: 09:32
Kopshti zoologjik vuri re për herë të parë se Tuan Tuan ishte i sëmurë në gusht kur filloi të vuante nga konvulsionet.

Një panda gjigante të cilën Kina ia kishte dhuruar Tajvanit në vitin 2008 ka ngordhur pasi ishte sëmurë, ka njoftuar kopshti zoologjik i Taipeit.

Tuan Tuan dhe partneri i tij i mbarështimit Yuan Yuan iu dhanë Tajvanit kur marrëdhëniet me Kinën ishin më të përzemërta.

Por marrëdhëniet janë përkeqësuar që atëherë, me Pekinin, i cili prej kohësh e ka konsideruar Tajvanin si një provincë të shkëputur, duke u bërë më luftarak.

Kopshti zoologjik vuri re për herë të parë se Tuan Tuan ishte i sëmurë në gusht kur filloi të vuante nga konvulsionet.

Veterinarë nga Kina u thirrën për ta ekzaminuar dhe skanimet treguan se ai kishte një lezion në tru dhe i ishte dhënë mjekim.

Gjendja e ariut 18-vjeçar u bë “e pakthyeshme” dhe ai nuk mund të “jetonte më një jetë cilësore”, thuhet në një deklaratë nga kopshti zoologjik.

Ndërsa dy arinjtë u dhuruan gjatë një periudhe marrëdhëniesh më të ngrohta midis fqinjëve, emrat e tyre të kombinuar në fakt do të thonë “ribashkim” ose “unitet”, një referencë e mundshme për dëshirën e Kinës për të rimarrë Tajvanin një ditë.

Presidenti i Kinës Xi Jinping e sheh Tajvanin si pjesë të territorit të tij dhe në një fjalim muajin e kaluar në Kongresin e Partisë Komuniste në Pekin, Xi refuzoi të përjashtonte përdorimin e forcës për t’u bashkuar me Tajvanin.

Kina ka përdorur pandat e saj për të ndihmuar në nxitjen e lidhjeve diplomatike me vendet për më shumë se gjysmë shekulli dhe i jep hua panda vetëm kopshteve zoologjike të huaja, të cilat zakonisht duhet të kthejnë çdo pasardhës brenda pak viteve nga lindja e tyre për t’u bashkuar me programin e mbarështimit të vendit.

Që kur themeluesi i Partisë Komuniste të Kinës, Mao Ce Dun, përdori pandat si një mënyrë për të hyrë në diskutime politike me vendet e tjera, kafsha ka qenë një thesar kombëtar.

Pas mbërritjes së tyre në Taipei, Tuan Tuan dhe Yuan Yuan u bënë atraksione të mëdha dhe Yuan Yuan lindi dy këlyshë femra, Yuan Zaibap në 2013 dhe Yuan Bao në 2020.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat