Shkencëtarët shndërrojnë plumbin në ar

Kuriozitete

Shkencëtarët shndërrojnë plumbin në ar

Më: 15 maj 2025 Në ora: 11:40
Foto ilustrim

Shkencëtarët në Gjenevë e kanë bërë realitet ëndrrën e alkimistëve mesjetarë.

Kimistët e hershëm shpresonin ta shndërronin plumbin në ar të çmuar por ndryshimet në numrin e protoneve midis elementëve e bënë të pamundur këtë me anë të mjeteve kimike. Mund të duket e pamundur por ata kanë arritur ta shndërrojnë plumbin në ar.

Shkencëtarët në laboratorin evropian të fizikës së grimcave CERN, pranë Gjenevës, Zvicër, e kanë realizuar këtë fantazi mesjetare, vetëm për një pjesë të sekondës përmes një mekanizmi të ri.

Fizikanët përdorën përshpejtuesin më të madh të grimcave në botë, Përplasësin e Madh të Hadroneve (LHC), për të nxjerrë tre protone nga atomet e plumbit duke i transformuar ato në atome ari.

Edhe pse kjo nuk është hera e parë që shkencëtarët kanë krijuar ar artificial, studiuesit përdorën një mekanizëm të ri për ta realizuar këtë qëllim.

Nëse atomet e plumbit humbisnin zero protone, ato mbeteshin plumb. Nëse humbisnin një, shndërroheshin në talium; nëse humbisnin dy, shndërroheshin në mërkur; dhe nëse humbisnin tre, shndërroheshin në ar.

Shkenctarët arritën të prodhonin me sukses të tre metalet e rënda, megjithëse bërthamat e arit u shkatërruan menjëherë që do të thotë se ari ekzistoi për më pak se një sekondë.

Në këtë eksperiment të fundit u arrit të prodhohej pothuajse dyfishi i arit krahasuar me ato të mëparshme.

Vlen të theksohet se sërish kjo sasi e përfituar është shumë e vogël se ajo që do t’i duhej një argjendari për të bërë qoftë edhe një bizhuteri të vetme.

comment Për komente lëvizni më poshtë
Më të lexuarat
Sot mund të lexoni Shfletoni kopertinat